علی اکبر ؑ شہید سونگسے امامی کھیونگمنہ لزوقسے
ژھیرین شخس کھوے زیزی ربینگنہ غوبینچہ شخس بوچوے سنیزگوا
زیریدپا بلبلی بزویکھا نا یانگلا ہرژیک زیروک لے بو
یری مندوغی کھا گیود مید بیاسے لقپہ سکورو ک لے بو
رگادشمن ستونگ کھ لا لانگفی جوان بو کھڑاق نہ سینگ غزمسے
دیرینگ دشمن ہلے رگیاخسے زیزی لا ہلچخ بورید لے بو
انو نی بوسترلید رگہ سکت شی توکھ گونتوکھ کھوروک خسمسے
چی سونگ خسمبینگ میشوڈ پے ناپا یانگ دونلا شورید لے بو
ببا لا بگیادپا بید غزمسے مشوخ لے غیرتی بیونگسا
زدیپا تونگ زیرے کوے ریسنہ ببی غدونگ رنگ فسورید لے بو
دی لوکھ پو تھونگمہ یود سوکنا چی گیگ پا ہاے امو جرنا
مشیسپو یانگ پاژے دونلا انو گیودپینگ ستورید لے بو
یاری بلتھود کھڑغینگ بانگفو شینا نی روسپہ لا میبجید
یودی منپو نا گیودپی سَوچوسے گویکھا بروک لے بو
