شہزادہ تھانینگ نہ لینے کھیونگمی برو ربزگوا میک کن کھراغی گانگسے
بیونگ ربینگنہ فرول لقپہ سکورین حضرت لیلا گونگہرژاچدے فانگسے
اہل حرمی سکلہ بورے حضرت لیلی یودپی بروک ربزگوا
دیمنہ کھوری رگسپی ببا خشولا کھورے کھیونگس لقپونگ تھورو تانگسے
انو سکوری لے انوے تازہ جوان زیرے فودین گو چہونگس بوی رگوبونیکھا
غدونگپو کھیرے غدونگپویکھ کلے کوقپہ مانیان سوا ژامژے بیسے ہلژانگسے
یانگ سوی کھا کھروسے ژومسے دوگید لیخموے غزیمیک پو ہلقچی فیسے ملہتا
لنگسے انولا ہلقچہ ہلتوسی لے انوے مظلوم میکپو فیسے سکانگسے
انوچہ بیالے انوے میگی عود علی اکبر یانگژوخ بو ستورینا
یری ببا لا عمر سعدی بگیژھانگ بید علی اکبر زدیپہ تونگ زیرے ہلژانگسے
سترینگمونگنہ زیزیونی علی اکبر زیرے قوبین نوسکت کوسے دروقسے
لقپینگ نو عصاچہ ہرتینے شخس سید سجاد کھیرے فوغینچہ لنگسے
چوقپہ فیسے گوستونگپو سکینہ سی زیرید پہ گومبی کھہ کلے گو
ناگیود پناژھیرکھینگ نو ستورید یمبو مسونگفی یری ہرتہ لزالا بڑانگسے
دے ندپہ امام نہ دریسے سترینگمونگنہ زیزیونگنی تھونگسے دے بیالوکھ پو
کھوری خچسپہ ببا یود پہ کھورین یونگ چوغی خسمبینگ تھودپو فودے فنگسے
