علی اکبری تھوقنہ لقپا سکورین نوید پاچوغینگنہ فیسے ام لیلیٰ تھلے
منوس زیرے زیرکھن سو مید پا دے وخلا فوغید پا سلا نوسے نوسے گلے
انوے میکپو ٹھوب سونگسے جر نا چہ گیگ پا یری میو میگی تھونگموپاژے دونوگ
متھونگپہ انوے میک لا تھانگنہ بابا سی رگولہ کھڑق زرین کھیونگمو ہرتے کھا کلے
تادیونا ایکھا یانگنہ بر بیسپی جوگنا انو ہرژسمیدی سو چوسے گوینگ بوروک
انوے ڈیاسپہ ستروقپو فیونی من پو رگوینگنہ فقیری بیاسے نوین ژلین چی کھوروک
یری نینچو ذینب نا سترینگمو سکینہؑ یری ستوہمہ ربو لاکھورین ہرژیک زیرید
چھمی چھو تھونین غدونگ تھانی رولا لزوقسے یری فکری بوھمے کھا یود گو کلے
تھدے یود پا لوقسے مدینگ نو تھوننا امو یانگ دونوک تانگسے نا گیگ زیرے
تاچی غدونگ پونا لوقسے گیگ نا مدینیگ انوے نوجوان قتل گاہینگ سکیورے
مبارز زیرے سکت تانید قتل گاہنا انوے غیرتینگ گانگفی تازہ جوان
سو تانکھن چی مید سوک تھانینگ یری ببا لاسومید سونگسے یود ربینگ نو چیکچی بگیالے
بگیاژھنگ بید لے بو بابا لا شامپی کھیونگنی سومید سونگ زیرے ربینگنو آل علیؑ
مشوخ غزمسے دشمن کونی بگیادپہ تھیاقسے ظلم کون تھونید لیگی تھوینگنا رگلے
تھانوے ریس تھونے فچس تانید یری ببا سی حرم کون چوغی تھوقنا لقپا سکورید
ہلس لے درینگ دشمنی رولا تانگمو رگیو نا فلیو رگسپی ببا نا کلے
