حسینی ؑ مندوغی بلبل سکینہؑ تھونمنا تھانگ لا
نبی مندوق ژھری ستق کن زدونا زدو سونگسے تھونگ پڑیانگلا
گلاب کن شومسے تھونگ تھانگ گانگ کھبو اصغر لا تھونی من
فیسے زہرائی مندوقپوےکھا ہرژیک زیرس زدمسینا بڑانگ لا
ببی بڑانگپویکھا غدونگ جقسے بیارے شمری جوری جیگسے
نہ اونگسید تھونمنا کھسمن ظلمی سکت کھورے یانگلا
نی عالم گنگمہ درچوکپی ببا عباس سا ستوربانا
نیا ربینگ جقسے نا مے ختدس شمر دونگ اونگسے یابانگلا
توژیونگ چوق سونگ شورے تھنگلا نی مینگموچیکچی ربینگنو لوس
ندی ژھدنا میدف فوقسے زرد سونگسے فیاغی رنگلا
دوسے شمر لعین اونگسید زبسے جوق یا ببا یانی
نہ دوکتوک پنجی لا فیاخمہ تانینچہ ہرژیک زیرین یانگلا
دیمنا شمرکھی اونگفو مہ زیر باژھود محب کن لا
دے ظلمی ہرمنگپو کوسنارے می لوس شنگ ستروقنہ ینگ سنینگلا
