گرولبانہ تھانو ماریا تھانگ لا نا سکینہؑ
غجینگ ہلچخ بورے کھیرس شامپی ہرمغی چینگسے سکینہؑ
کھیربی بروک تھون مینگمو بابونگ غزیمفی دے سیکھا
زیرس ہرژیکچہ ببی بڑانگپویکھا غدونگ خلنے سکینہؑ
یاخچسپہ ببا لانگسے ہلتوسی یاری بونو لا
ہرمق یل لا کھرید شامپی ہرماغی چینگسے سکینہؑ
باژھونژے نا بیسپی ژھڑانی سنینگپو کباب گوید
چھوی ہرمانگ نا مبے یانگ نیریمی سکومنا سکینہؑ
اصغر سودے چن یانی کھیدے شخفنا نومسے
نا زدیکپہ بونو شمری لغینگ شیدہے سکینہؑ
یا ہرژیک کن زیرین لقپہ سکورین نوید پا ببی کھا
تھون شمری سی تھور کھورے خابین کھیربا سکینہؑ
لے شمر خدا تھدپی فیلا بیرگا ماتیونگ ہے
نی مینگمو بابونگ ڑدونہ نا ژھیروک نوا نا سکینہؑ
بڑانگبر نا بابی فیسپی خپیرو زیر با میکھیود ہے
خنم نا سا گولید عرشی درید نوانا سکینہؑ
