مسلم ؑ لا مسلمان کنی غدونگ لزوقسینا کوفینگ بیعت بیاسے گیوخسے
شخس فیقلہ خرابہ مسجدینگ تھونگنوگا خسمسے ہائے دشمنی لقلا
مہمان لا اینابڑانگسہ متھوب فو کوسیداسوا شوخ زیرے کھرینا
شخس طوعی زگوکھا بڑانگسہ ژالے دے چہوسی ڑگیالفو ہائے دوقفہ نا قیقلا
زیرس نوین لے انو بڑانسگہ یودا بیسپہ لا بول وخ تھون فیوخنہ بیسینا
یانگ لا حشرینگ بڑانگسہ منوک نی زیزی زہراء روخ بیک دینے جقلا
شہرینگنو ہلینگ غلغلہ یودمینگپو چی ان نا زیر لسپوچہ یود نا
زیرس ان نا عقیلی میگی عود مسلم مظلوم بدید کھونی ناحقلا
تھوب بڑانگسہ نا اما اجلی فودے مہ تنگمہ سکورس یانانی زگویکھا
ژہورسہ کوسہ نا دمسے تھونے دے چہوسی رگیالفو تھون دشمنی لقلا
القصہ دی کھوربی خنمی گردشی سکورینا لوقپاری کھورینا
بواژہونژے امیری فیاغی جینگمی دے رسن پو تھون مسلمی فیقلا
زیرس نی اپوچوحمزہ نا جعفر خسونے یودنا چا گیگپہ دی لوکھ پو
نا چیکچہ لوسے دشمنی لقپینگ نو اسیر گوہائے ہائے نی شی جقلا
کاچو حسینؑ سبز قبا شوخس ہے دارونگسہ نی ستروقپو یودی من
نی فونو ابوالفضل علی ژہورفہ میدا چنگ ناستورفو دے فیقلا
غدونگپو زگیورے کعبہ ینگنو دے بنگ فرین کلے تنگسے نوین باد صبانا
زیرس کاچو حسینؑ لا نا نہ رگل کھوانگ لہ مشوخ زیر کوفی رولہ فیقلا
