تھون قاصد صغری سی مدینینگ نہ کھورے خط چی شہہ کرب و بلا لہ
فونونگنہ بوچونگ چیکتو ستورینا بگیالے یودپی وخسینگ دے خوجا لہ
شخس خط پو کھورے اکبری گوے سنیاسکھی کھا لنگسے گلی من پونوسے نا
تھونسید نی سومید ندپہ بونوے رولانہ شوقشوق لنگسےہلتوسی لے بو
لنگسے ببانا یمبو دونی لے علی اکبر شوق شوغی جواب ربیا
دومیدنہ یانی یوقلہ زبانی کھا کسل بیونگ تمچی فچوسے لے بو
کول فاطمہ صغرا لہ مدینینگ یری تھودپو بخستونی دخون لہ
ہننہ ہرتخ زیرے کول کھڑاغینگ بانگفی یری گونمو کھڑاقپو کھروسے لے بو
بخستونی جغینگ کھیر بہ لوغیدزیرے بیاسے چھد دوسے گوانہ دی لوکھ پو
نی ندپہ بونوتا نری بوی کھوقکھولی مے کھا دوکتوک جوسے لے بو
ربینگ دشمنی ہرمق روبنہ ہڑیا چازیرے زیرکھن سومید ہے حرم لہ
دشمنی بگیہ ژہنگ تھیقسے مشوخ لے ببی سینگے تمپو کوسی لے بو
بوالفضل نہ کھیانی نہ سکیورے دشمنی سکیل لاگوانا فلی فانگسے
دشمنی رگی فیونگمو چہ تھیب یودپنہ چیکچہ نا لزا لوسے لے بو
یانگ سکومسے ردین جیبسے خسروب ہرتیکھا نہ سیکھاکھیورفی دے خبرپو
کوسپی کھنہ یود دوقسے حسینؑ نوینچہ یری کھا خسمبینگ زگوسے لے بو
