یود پہ مدینینگ چیگچی لوسے فاطمہ صغرا ژہن نین ربیلے نوینچہ
کھوری مینگمو جماد خچسپہ ببا نا دریسے کوفینگ شخفو ایتو بینچہ
عود نابیسے لوسپی بلافون ژوخبین چی کھورید پہ مینگمونگنی ژہرانگسینگ
کھوری ندپویکھا ہرژاقسے ببانا بیسپی ژہرانگسی ندپیکھا کھولین چہ
شخمید لہ دوگید پازگوتھمیکھا کلے غدونگپو نوین خچسپہ ببا لا
شخمید چیلہ غوبید پہ ژہیرین ننگنو نا بیونگسے کوفی رولہ ہلتینچہ
شخمیدلہ ببا شقفی لمینگ سترونگسے دوگید پہ غدونگپو خلنے سیکھا
نی خچسپہ ببا شقفہ میدا زیرے غوبینچہ گا تھوکفولہ ترینچہ
سو تھوکنہ فچولیدپہ ببالہ کھیر زیرے غوبین شوقشوق چینہ فرینچہ
یود زیر ببلا ندپہ بونو فاطمہ صغری یانگلہ ژہیرے شینچہ
نی خچسپہ ببا یانگلہ ہلس نادی رگودومپینگ فانگسے بجیدے شقفو
نلا سوی سہ ہلتاکھن میدپو تھونینچہ بجیدے شقفو ستروقپہ تھلے رگینچہ
نی مینگمو علی اکبر فیقپو دیوا تھونچوک نا کھیربارے یودنا
ناشی نارے ینگ فقتو بیاکھنچہ نلا سومید گارول لا نہ سنینچہ
