کربلا لا شخسے امامی کھوق کھولی ہرمقپو کھیدے
ٹھوپچی سونگ یا جاغی ژھن لا نمزہ لا لدوم لدوم کھڑلے
یا جاغی ژھن لا امام نا اہل بیت کون بر بیاسے
چیک چیگی ہرتخسپے مگوا ژھن پو چوق تھانگ لا کھورے
صبح صادق شربہ چیک دمسے امام سکیل لا بورے
اہل بیت کون نا ببوینگ نی غدونی رنگ کون لا بودے
بیونک کسل امام حسینی ؑ ہرماغی رول لا غدونگ بیاسے
دی سابی مینگپو چی اننا زیر کھیدے نا لا فیسے
لانگسے زیرس نوین چی جوان چی لے گوپونگ چیکتوی گوپا
دی ساوی مینگ کربلا این لے نائی بیسپی فڑوپا
کربلائی مینگپو کوانا دے چھوسی رگیالفوے بولا
غدونگنی رنگ پو سیرفو سونگسے کھڑاغی چھیما میگی ہلوگین
یا ساوینگ نا گومبہ گانگ لینمی بشن مید ہے نالا
این نادی یو کھڑاق ہلوکپی ملسو در زمین کربلا
