گیور ے جوکنا فاطمہ سونگ عالم پو ٹھوب درینگ نا
خچسپہ نا رینگچن بوچونگ سونگسے سومید درینگ نا
حق ژالے گوانا دے ڑگیلمو دربار عامینگ نو کھڑیلین
لوقسے شخص دولت سرائینگ لق ستونگ پو مسجدینگ نا
گیورے جوکنا رینگچن بابا دشمن پو لیگی ڑگیاقسے نا
باغ فدک سا کوقسا لے ڑگیلمو یاری شدینگ نا
دمسے اصحاب کن ستاغویکھہ بیعت لا کھیربا بوالحسن
یانگ مشخص نا مے ہلچنوک بیت نبوت لادرینگ نا
یا بروک لوقسےقیامت آل علی (ع) فڑو فڑونگنی کھا
رینگچن زیزی قو پو کوانا ژھیکفی زگوے برینگ نا
مینگمو سترینگمونگ شخص غوبین رینگچن زیزیا ہرتین کنچی بیا
ژونمو فضہ تھونے غویکھا فیونگسے کھیونگس زگوے برینگ نا
افسوس لے موسی فیونگما گو، ژھن لا جنازو فاطمی ؑ
بیونگ کسل شیرخداسی چھود نلا غدینگمہ درینگ نا
