یانگ دیرنگ مشکل کشا ان یا علمدار حسینؑ
ہسکے نی جوا بے خوجا ان یا علمدار حسینؑ
صورتی کھہ ماہ ہاشم اما معنی کھا نہ ژوخ
ذرہ پرور یانگ نیما ان یا علمدار حسینؑ
صفوۃ اللہ شیدانہ روحی شوقپی کھہ فورے
قاصد یانگ مصطفی ان یا علمدار حسینؑ
کھربا ہرژوا تھینمہ ژوخ پو یانی سی می سنینگ تھنید
حقسی کھا یانگ دل ربا ان یا علمدار حسینؑ
لالہ زار نینوا لا یانی سی مک پوانگ دریسے
ساقیان کربلا ان یا علمدار حسینؑ
لقپہ مید پونگ لا یرینگ نا لق تھوبید نالا بدے لق
یانگ خدا بیسپی عطا ان یا علمدار حسینؑ
کھوقکھولی موری سی زوسپی نی خیہ زونفی سنینگ پو لا
صیقلی مل غمزدہ ان یا علمدار حسینؑ
کھوقکھولی گیب لا رگنوے یود زیر بنانا سونگ ژلے
تھوب نلا یانگ دل کشا ان یا علمدار حسینؑ
مصطفی ناد علی کھا یا علی ؑ زیر فانہ ژوخ
عالمی زیربی ندا ان یا علمدار حسینؑ
یاری شوقپی اوقتو چھودفونگ سینگ فورید اقبالیکھا
یاری گڑیمفق پو ہما ان یا علمدار حسینؑ
نی ہرژہ مید سنینگ پوینگ نو یانگ دوکسے چی بیاجیکسید می لا
دو پہ یانگ ستروغی فڑوپا ان یا علمدار حسینؑ
نی سننی آئینہ بینگ یانگ مید پہ یانگ سو تھونگمہ مید
سنینگ پو نی عباس ؑ نما ان یا علمدار حسینؑ
