لے رگیلفو حجت حق توسنہ نمزونگ فسوربی وخ تھونسید
ظلم بغض و عداوت نا حسد سینگ ستوربی وخ تھونسید
لے چوبجی گنگمی لزود اقبالی ریکھا یانگ شرے تھونگسے
مخالف کن کتانی بزوینگ چھدے سنینگ کھیوربی وخ تھونسید
اپوچو مصطفائی جوکتو نہ غورفی چھوسی رگینگ کن
صحیح ہرمنگردو, دے فرید ردوا خسومپو فیونگسےبوربی وخ تھونسید
چھوسی ڈیم چکلہ زدو بدونفچو نہ خسوم سونگفی دے خل سر چوق
دے جوکلہ کلفی پیوند کن تمیز بین زگوربی وخ تھونسید
حدیثی ننگمی فچوین بقچی حدیثی یود شوبینگ جوکسے
دے ژہولہ شوب چھدے لوقپر لہ گیودپینگ سکوربی وخ تھونسید
عمرو ، زید ژوخ سپیارید ہلژہمہ حدیث کن رنفو رنفو لا
امر بین تھوبفی لزا کھورفونگ گیودے شین شوربی وخ تھونسید
توسی دجال لہ یاجوجی کمک تھونے گولید میولپو
یری روخ دابۃ الارض لہ یونگ سینگ ژہوربی وخ تھونسید
کھوری انجیل منسوخ سونگفو نیسی بیدقرآن لہ رد
مسیح نوہپینگ منع بین دونی لزہ لزا کھوربی وخ تھونسید
اپوچو مصطفی کامل عیاری استنینگ ہرکیمفی
قلب پو فیونگمہ فیلوقینگ نو سترقپہ بوربی وخ تھونسید
لے چہوسلہ سپربی عود یانگ غیبی فانوس پوینگ نہ بیونگ سینا
بلافون ژوخپو شیعونگ ختودشہ بین ستروق سکوربی وخ تھونسید
