تخت غیب شاہ زمان نوس لا دنیائی فسورے ہلتوس
نوبید دینی نیو طوفان کفرینگ ناخدا یے بیوس
یانگ لا غیب انمنا نوس ژوخپو نونے بحرین سنیمس
نسپہ نی فق نلا گوین یود نہ سی یانی تھونے ہلتوس
خدائی نور روح الارض یری حجت غبیلی برکت
دنیائی برمبیا رگوینگ ستروق برین یود عود لوسے فانوس
کھوربی سکرمونگ ژہ مین ہے گامدار نا زیحیات گانگما
ژلین یود رزق روحانی یری کڑلسینگ نہ شزدے بیوس
دنیا مید لوسپا یانگ میدنا معاد مید اونگمہ یانگ میدنا
عدل انصاف ملوس مولا دنیا ظلمی کھا گانگسے غبوس
شمی رجعت چھوسی اظہار مگوا حشرینگ بگیالے نا یود
خدا یا کھوے مدد بیوس ژامژہ وعدے یود کھورے مانوس
بفرط شوق اقتدا نبیونگ چکتوی رگومل عیسیٰ
خنمینگ نا یود زیرین ژھن نن امامت مقتدا یے بیوس
بشکل شیخ دیو سیرت گونے سترق ژیل فچوسے گہون ہلق
صنم خانونگ لا ہلتین کعبینگ سنیگنی کعبہ فشگید یے فچوس
بلا عود کھورے کھانگ رگو بیالہ تھونگسے گوید حرام نن ژھن
رکن نیس حجی سکیورے بید دوسے سا دنپا بے ئے چھوس
خدا یا عقل گار سونگ ہے سرِ دین خواہشات تھونسید
مزونگ زا بیونگ مبیا سونگسید ملی مل لا بیاسے بڑنچھوس
مکمل بیاس نبی تبلیغ صبر ژھانگس نینوائنگ نو
کفر سنیول شاہ عدالت دنیادینگ سکونگ رگونا غے چھوس
سلام ستونگ شمع امامت لا زیرین ابن محمد گوید
ہجری مینگ رجعتی غدیانگ کھورے مگوا حد رگلے مایوس
