رن نا یانگ نی کھا رون پنجتن یا رسول اللہؐؐ
تھد نا یانگ نی کھا تھود ذوالمنن یا رسول اللہؐ
ریکھلا لدن چوکھپا مید سوک خدا چانگسی لولاک
لامکان تا سرا تھونی من یا رسول اللہؐؐ
قدسیاں کن نا کروبیاں چوں امین اللہ
ان یری فیاغی خدمت بیا کھن یا رسولؐاللہ
یری حکم سونگنہ سینگ کبسے یودپی شمیونگنی سی
زیربی ان لانگسے فوراً سخن یا رسول اللہؐ
یانی بجوق زیر بنا بجقسے نیس سونگ خانمی لزود پو
لوقسے تھود زیربنا تھود فو من یا رسول اللہؐ
یانگ توسل بورے بیاس دعا آدمی توبہ
سونگ قبول توبہ کھوے زونفو ہرژن یا رسول اللہؐ
شزدے نا گانگفی رگیزگے کھہ نا فیق لا یا مختار
انمنا سترونگسے یود نا زگو چھن یا رسول اللہؐ
قادر و ذوالجلال لایزال بے نیازرگیلفو
دوکسے یانگ ارجمند نا نوچن یا رسول اللہؐ
یانگ دی میولینگ نو شخسید زیرے یانگلہ مہمان بیا
خنم نہ سا عرش ہرتن چوکسے لدنس یا رسول اللہؐ
زگوانہ میزگوے زگونی کھہ چہ گیگ نی دی مشکل حل
بیوس یانی نی دی سنیگ ند لا سمن یا رسول اللہؐ
نی چہ ہرمنگ خنم نا قدسیونگ سا زگوید دوخسپاری وخلا
کڑل بی زگونی کھاقرض الحسن یا رسول اللہؐ
نا شیسوک میول لا نونفی سکندر نا دارا دونگ
ان یری خوانی زن برول تھوکھن یا رسول اللہؐ
